CAGAYAN DE ORO CITY – Napulo ka mga gagmay’ng tanom sa marijuana ang nasanta sa Gingoog Police Station pinaagi sa Barangay Intelligence Network (BIN) sa Purok 1 Barangay Lunotan Gingoog City.
Base sa report, nagsilbing sekreto nga plantasyon sa marijuana ang luna ug balay nga gitukuran ni alyas Popoy Hamago.
Paspas nga miresponde ang kapulisan sa tawag sa BIN ug positibo nilang nadiskobre ang 10 ka pot sa marijuana.
Hangtud karon, pabiling at large ang suspek.
Subli nagpadumdum ang Misamis Oriental Provincial Police Office nga ginadili sa balaod ang pagtanom, pagbaligya ug paggamit sa mga ilegal nga druga sa nasud ubos sa nakalatid sa Republic Act 9165 kon Dangerous Drugs Act of 2002.
