CAGAYAN DE ORO CITY-Nagtoo ang Maritime Authority Industry o MARINA-10 nga biktima sa fake news si Pres Rodrigo Duterte batok sa mga impormasyon nga iyang nakuha aron ipalagpot sa pwesto ang ilang administrator Marcial “Al” Amaro III.
Gibutyag ni Marina -10 Regional Director Feliza Orongan nga gihimakak sa Association of Marina Employees o AME ang report nga nag file sila’g reklamo batok Amaro.
Mismo ang AME miingon nga fake news ang mikatag nga mga impormasyon.
Una niini, gisupak usab ni Orongan ang akusasyon nga nagpasulabi lamang ug gasto sa salapi sa katawhan ang ilang buhatan tungod sa “luxurious trips” sa ilang administrador.
Si Amaro ang gitangtang ni Duterte kay nakahimo’g pagbiyahe
sa 24 ka higayon abroad sugo tuig 2016 hangtod 2017.
