Direktang giangkon sa batan-ong aktres nga si Maris Racal ang iyang kasaypanan ug gilayong nangayo’g pasaylo sa kontrobersyal nga pagbinayluay nila’g ‘intimate messages’ ni actor Anthony Jennings.
Kini human gipistahan sa social media ang maong mga mensahe nga unang gibulgar sa kanhi hinigugma ni Jenning si Jam Villanueva nga nag-resulta sa pagkaputol sa pito nila ka tuig nga relasyon.
Giangkon sa dalaga nga nagbaton sila’g relasyon ni Anthony samtang hinigugma pa niini ang singer nga si Rico Blanco diin nagsugod daw kini sa miaging Hunyo ning tuiga.
Siya miingon nga nadala kini sa iyang sayop nga emosyon nga klaro nga dakong sayop.
Sa maong hitabo, nagka-estoryahanay sila ni Rico diin iyang gisulti ang tanan niyang kasaypanan ug hingpit nga nagkabulag.
Miingon si Racal nga sa pag-anunsyo niya nga sila bulag na ni Rico, naghinobra ang iyang pagka-emosyonal kay gipugngan niya ang pagsulti sa kamatuoran.
Dugang pagsaysay niini nga mas milawom ang ilang relasyon dihang sila nag-shooting sa ilang proyekto sa Italya.
Saysay niini nga sa ilang pag-uli pabalik sa Pilipinas, nakasulti daw si Anthony nga bulag na sila ni Jam rason nga naka-pokus na ang iyang atensyon ngadto kaniya.
Apan nakurat na lang si Maris kon unsa ang kasuko ni Jam nga gi-post ang screen shots sa ilang panag-estorya ni Jennings nga gipistahan na sila sa publiko.
Luyo sa maong iskandalo ug dakong kaulawon, nangayo kini’g pasaylo sa tanang mga tawo nga nasaypan niini.
Nagpaabot usab daw kini’g mensahe kang Jam aron makig-estorya sa iyang kasaypanan apan wala na kini tagda pa.
Giangkon sa dalaga nga naulaw kini pag-ayo sa iyang nahimo.
Taliwala niini,dili siya mosibog sa iyang trabaho ug atubangon kon unsa man ang dangatan sa pagkatawo niya ug sa career niini.
Hisayrang unang nag-trending ang linya nga ‘I’ll touch myself na lang; “You miss my body? ug “You’re so hot” nga screen shot posts ni Jam gikan sa panagbayluay’g mensahe ni Anthony ug Maris sa miaging mga bulan.
