CAGAYAN DE ORO CITY, Philippines – (update) Gipamugos ni Professor Hu Bo, Director sa South China Sea Strategic Probing Initiative nga mikunhod na ang init nga tensyon tali sa Philippine Coast Guard (PCG) ug Chinese Coast Guard (CCG), itande sa milabay’ng tuig. Namugos si Professor Bo nga kinahanglan musentro sa pagpakusog sa diplomatic relations ang sudlan sa gobyerno sa Pilipinas ug Peoples Republic of China aron dili na masubli ang tensyon sa West Philippine Sea, ug sa South China Sea.
Sa pikas bahin, gikontra ni Maritime Law Expert Atty. Jay Batongbacal ang reaksiyon sa gobyerno sa China nga nangilog ang Pilipinas sa katubigan nga ubos sa ilang hurisdiksyon gamit ang duha ka bag-ong balaod nga pirmado ni Presidente Ferdinand Marcos Jr.
Mipasabot si Batongbacal nga walay expansion, o pagpangilog sa soberiniya gamit ang bag-ong mapa sa Pilipinas kay igo lamang gitin-aw sa balaod ang legal nga mga sukdanan ug agianan sa mga barko nga iya sa Pilipinas, ug sa mga barko nga muagi sa Sea Lanes sa Pilipinas.
