CAGAYAN DE ORO CITY-Gibutyag ni political analyst Atty Tony Laviña nga dili sulbad ang martial law extension aron mapakigbatukan ang pagpamomba sa mga terorista sa pipila ka bahin sa Mindanao.
Si Laviña miingon nga nalatid sa konstitusyon nga pang-temporaryo lamang ang deklarasyon sa batas militar kon gikinahanglan.
Asoy niini nga dili na angay maningala ang gobyerno sa mga bombing incident kay kanunay na kini nga gakahitabo sa Mindanao.
Samtang gisaway usab ni Laviña ang sunod-sunod nga kamatay sa mga drug suspect sa tibook Misamis Oriental.
Matud niya nga dili masulbad ang droga sa Pilipinas pinaagi sa pagpatay sa mga drug pusher ug user.
Gihagit niini ang mga otoridad nga maoy target sa ilang operasyon ang mga protector ug drug supplier aron matapos na ang problema sa droga sa Pilipinas.
