CAGAYAN DE ORO CITY-Gisupak sa political analyst nga si Atty Antonio Soriano ang deklarasyon ni Pres Rodrigo
Duterte nga martial law sa Mindanao.
Namahayag si Soriano nga maoy angay himoon ni Duterte ang pagpaubos sa state of emergency sa mismong Marawi City lamang ug dili sa tibuok Mindanao.
Hinoon,gitugtan si Duterte sa balaod ilabina nga tin-aw nga lawless violence ang gihimo sa teroristang Maute nga pag-atake diin nangsunog pa sa pipila ka govt buildings.
Samtang dinalian ang pagsanta sa gobierno batok sa dugang kadaot nga himoon sa teroristang Maute ang
deklarasyon sa Martial Law sa Mindanao.
Kini ang depensa ni OPPAP Sec Jesus Dureza nga tungod sa kadako sa lugar sa deklarasyon ni Pres Rodrigo Duterte sa martial law sa Mindanao.
Si Dureza miingon nga dili makatugot si Duterte nga madugangan pa ang kadaot nga himoon sa Maute group hinungdan nga gipaubos ang martial law sa Marawi City.
