CAGAYAN DE ORO CITY-Napasaka na ang kasong illegal possession of firearms ug explosives batok sa
kapikas sa napatay’ng terorista nga si Malaysian Zulkifli Binhir alyas Marwan sa piskalya sa Lanao del Norte
kagahapong adlawa.
Kini human unang nasikop sa PNP ug AFP joint operations si Juromee Dungon subay sa mando sa korte.
Kabahin usab sa gikasuhan ang amahan ug laing duha ka igsoong babaye ni Juromee ingon man ang usa ka police officer diin nakuha kanila ang daghang mga armas ug kagamitan sa paghimo’g bomba.
Miingon si PNP regional director C/Supt Timoteo Pacleb nga tungod sa pagkasikop sa maong pamilya,mohinay usab ang kalihukang terorismo diin sila naila nga tigdawat sa financial support gikan sa grupong ISIS sa Middle East.
Si Juromee mao usab ang igsoon ni Renie Lou Dungon kinsa nasikop kuyog si Police Supt Maria Christina Nobleza nga kunsabo sa mga Abu Sayyaf nga nangatake sa Bohol tuig 2017.
Dumduman nga si Marwan nga napatay sa SAF troopers sa PNP sa Maguindanao tuig 2015,ang suspek usab sa pagpamomba sa syudad diin duha ka tawo ang patay niadtong Oktubre 2012.
