Pangayoon sa pamilya Veloso kang Pres Bongbong Marcos ang executive clemency alang kang Mary Jane Veloso.
Kini kon mahatagan sa higayon nga ikaatubang ni Cesar Veloso si Pres Marcos alang sa hingpit nga kagawasan sa iyang anak nga si Mary Jane.
Gihimo sa amahan ang apelar nunot sa paghidangat na ni Mary Jane sa Pilipinas gikan sa Indonesia diin siya 14 ka tuig nga nabilanggo kay giakusahan nagpalusot sa 2.6 kilos sa heroin.
Una niini,dili matukib ang kalipay ni Pres Marcos nga kompirmado nang nakabalik Pilipinas si Veloso nunot sa pag-uyon ni Indonesian Pres Prabowo Subianto sa usa ka prisoner transfer agreement.
Nagkahulugan nga kon adunay Indonesian national nga nag-atubang sa susamang kahimtang sa Pilipinas,obligado mohimo usab niini ang gobierno pabor ngadto sa ihangyo sa Indonesia.
Dumduman nga kabahin sa naningkamot nga mapugngan ang firing squad kang Veloso si late Pres Noynoy Aquino kaniadto ug nasundan ni kanhi Pres Rodrigo Duterte.
Si Veloso gilayong gikustodiya sa Correctional for Women sa Mandaluyong City.
