Gipakita sa mga survey nga nagpadayon ang pagtaas sa net satisfaction ug trust rating ni Bise Presidente Sara Duterte tungod sa iyang kalig-on sa masa.
Gitin-aw ni Engr. Dioric M. Gavino, co-convenor sa DDS Sara All Confederation, nga ang kusog sa bise presidente naggikan gayud sa ordinaryong mga Pilipino.
Hinuon, gipamulong ni Gavino nga sama sa iyang amahan nga si kanhi Presidente Rodrigo Roa Duterte, wala usab nagsalig ang bise presidente sa mga politiko sama sa mga kongresista o mga senador.
Bisan pa man sa mga bayaran nga survey, gipaniguro niya nga dili gyud makaya nga tumbahon ang suporta sa ground level tungod kay makamasa gyud ang paglantaw sa katawhan kang VP Inday.
Sa kataposan, gihimug-atan ni Engr. Gavino nga taas gyud ang pagsalig sa mga ordinaryong tawo ngadto sa bise presidente sa nasod.
