Aminadong nawad-an na sa respeto ang grupong MASA Sarah Duterte Alliance (MASADA) sa pipila ka miyembro sa Committee on Justice human nga ilang giapil si Ramil Madriaga isip testigo sa impeachment proceedings batok kang Vice President Sara Duterte.
Namahayag si former Usec. Ben Raque sa Bombo Radyo nga kwestyonable ang pagpalinkod kang Madriaga isip testigo tungod kay wala kiniy kredibilidad ug integridad.
Dugang pa niya, gihimo lamang si Madriaga isip “hoax” o tigsabwag sa sayop nga impormasyon aron libogon ang proseso ug makalingkawas siya sa iyang pagkapriso.
Nagatuo ang grupong MASADA nga scripted ang mga gibutyag ni Madriaga atol sa pagdagan sa impeachment proceedings.
Para sa grupo, ilang gikasaway ang komite nga matod pa nila nagpakita og kabug-aton ug desperasyon aron pugngan ang bise presidente sa pagkandidato sa umaabot nga 2028 presidential elections.
