Gipahayag sa convenor sa MASA–Sarah Duterte Alliance nga si Benito Ranque nga dili sila uyon sa panawagang suspendehon ang VAT ug excise tax sa produktong petrolyo bisan nagpadayon ang pagsaka sa presyo sa krudo sa world market.
Matod ni Ranque, posibleng maglisod ang gobyerno sa pagpangita og pundo kon tangtangon ang mga buhis nga maoy usa sa dakong tinubdan sa kita sa estado.
Gipasabot usab niya nga mas angay matod pa nga mangita ang gobyerno og alternative source o supply sa langis aron maminusan ang epekto sa krisis sa suplay sa nasud.
Lakip sa iyang gihisgutan ang posibilidad sa pagtan-aw sa ubang merkado sama sa China aron mapalig-on ang suplay sa enerhiya sa Pilipinas.
Dugang ni Ranque, kinahanglan klarong lakang sa gobyerno ang pangitaon aron masulbad ang problema sa suplay ug presyo sa krudo nga naghatag og domino effect sa ekonomiya. (by James Oliver)
