Gipagawas sa pederasyon sa MASA Sara Duterte Alliance o MASADA ang ilang grabeng kasuko batok sa warrant of arrest nga gi-isyu batok kang Vice President Sara Duterte samtang aduna pa’y gipahigayon nga dula sa Senate impeachment court.
Atubangan sa mga sakop sa media, gipahayag sa founding convenor sa grupo nga si kanhi Undersecretary Benito Ranque nga usa ka dakong pag-insulto ug pagyatak sa balaod ang gihimo sa Quezon City Regional Trial Court Branch 98 tungod kay wala kini katungod manghilabot sa isyu nga anaa na sa impeachment.
Tungod niining maong gihimong lakang, opisyal nga mopasa og resolusyon ang grupo aron hangyoon ang Senate impeachment court nga ipa-contempt ug silotan si Presiding Judge Maria Angelica De Ramos lakip na ang Department of Justice o DOJ.
Gibarugan usab sa liderato sa MASADA nga usa lamang kini ka desperadong gipagawas nga pamaagi sa pipila ka opisyal sa kagamhanan aron gukdon ang bise presidente pinaagi sa paglapas sa gipatuman nga sub judice rule-
