Conscience vote ug tinuod nga pagsabot sa kahulugan sa impeachment ang gipangita sa MASA‑SARAH Duterte Alliance o MASADA atol sa plenary voting kabahin sa impeachment complaint batok ni Vice President Sara Duterte.
Namahayag si MASADA founding convenor Ben Ranque nga ang mga kongresista kinahanglan mobotar subay sa ilang konsensya ug dili magpadala sa pressure, kahadlok o impluwensiya sa kuwarta ug politika.
Gipasabot niya nga ang impeachment usa ka seryosong constitutional process nga kinahanglan pagahimoon sumala sa kamatuoran ug dili gamiton isip instrumento sa personal o partisan nga interes.
Gihangyo usab niya ang mga mambabalaod nga paminawon ang tingog sa ilang constituents, ilabi na kadtong supak sa impeachment complaint batok sa bise presidente.
Gitataw ni Ranque nga ang katawhan maoy maghukom sa mga opisyal nga mopili og baruganan atol sa maong proseso sa Kongreso.
Tungod niini, naglaom ang grupo nga mahimong patas ug independent ang pagbotar sa mga kongresista kabahin sa maong impeachment issue.
