CAGAYAN DE ORO CITY – Naka-confine ug gi-obserbahan na ang masahista nga ulahing gikauban sa pasyente nga pinakaunang kaso sa COVID-19 ning syudad.
Kini human kompirmaha ni Northern Mindanao Medical Center o NMMC Hospital Director Dr Jose Chan nga gipaubos nila sa obserbasyon ang masahista nga taga-Brgy Macabalan ning syudad.
Miingon si Chan nga gihimo na usab nila ang dugang contact tracing sa mga tawo nga gikauban sa masahista aron ipaubos sa kuwarantinas.
Nasubay sa NMMC ang maong pasyente sumala usab sa gisulti ni COVID-19 patient no. 597 kinsa natakdan samtang pila ka adlaw nga nakadalikyat sa kauluhan sa miaging mga semana.
