Mihatag na’g sinyales si DILG Secretary Jonvic Remulla nga dako’g posibilidad nga pirmahan ni Pres. Bongbong Marcos ang balaodnon nga nagtumong pag-oktaba sa piliay sa barangay ug Sangguniang Kabataan ngadto sa Nobyembre 2026.
Kini sukwahi sa naka-iskedyul nga paghimo unta niini sa Disyembre 1 ning tuiga.
Matud ni Remulla nga gamay na lang ang kulang ug pirmahan sa presidente ang balaodnon gikan sa kongreso aron masibog ang piliay sa sunod tuig.
Siya miingon nasayod sila nga adunay mo-kuwestiyon sa legalidad sa maong hukom apan gibalanse lamang nila kini alang sa mga panig nga nalambigit.
Dumduman nga nabutang sa alanganin ang preparasyon sa Commission on Elections/Comelec sanglit dugay na-aksyonan ni Marcos ang balaodnon rason nga gikan sa Hulyo, gisibog sa Agosto 1 hangtod 10 ang pagbukas sa registration period alang sa mga bag-ong botante.
Una nang namahayag ang Korte Suprema nga ‘unconstitutional’ ang balaod nga gibasehan sa pagsibog sa milabay’ng eleksyon sa brgy rason nga gimando nila nga wala na’y himoon nga pagbalhin niini.
Hisayrang nagbaton usab sa mga argamento ang mga magbabalaod kung nganong angay subli masibog ang brgy elections apan lauman nga sugaton kini sa kontra-petition sa pipila ka grupo sa Korte Suprema sa higayon nga hingpit masibog ang December 1 nga BSKE 2025.
