CAGAYAN DE ORO CITY- Dugta nang nakit-an sa kauban sa trabaho ang usa ka mason sulod sa construction site diha sa Pueblo de Oro,Upper Carmen ning syudad.
Giila ni Carmen Police Station commander Police Maj Ian Borinaga ang biktima nga si Roel Oga,hingkod ang panuigon ug nagpuyo sa Baroy,Tubod,Lanao del Norte.
Sulti ni Borinaga nga mismo si Richard Cabillo ang naka-diskobre sa patayn’g lawas sa biktima sulod sa bunkhouse sa ilang gi-trabahuan.
Gisugyot nga ipaubos sa otopsiya ang patay’ng lawas sa biktima aron masuta kon unsa ang hinungdan sa kamatayon niini.
