Pugsanon nga gipabakwit ang mga namuyo sa bukirang bahin sa Florida ug Georgia tungod sa kasamtangang paglamoy sa kalayo sa ilang lasang.
Partikular nga natilapan sa kalayo ang habagatang-sidlakang bahin sa Estados Unidos.
Hisayran nga grabe ka uga ang kondisyon sa ilang kabukiran ug kusog ang hangin hinungdan nga paspas ang kuyanap sa kalayo.
Subay sa ulahing report, anaa na sa 50 ka balay ang nasunog duol sa suba, ug gibana-bana kapin libo pa ka balay ang posibleng agi-a sa kalayo.
Unang gibana-bana sa mga bombero nga muabot na sa kapin 30 ka square miles ang nasunog nga luna sa ilang kabukiran.
Gibutyag sa mga otoridad sa Floridad nga anaa sa 100 ang aktibong sunog sa ilang lasang.
