CAGAYAN DE ORO CITY -Ipalig-on sa Philippine Army ang ilang focused military operations batok sa tanang armadong grupo nga naglakip sa Communist Party of the Philippines -New People’s Army o CPP-NPA nga naglihok sa kabukiran.
Kini sa tuyo nga dili makahigayon ang mga rebelde nga kilkilan ang mga kandidato sa piliay pinaagi sa permit to campaign ug permit to win scheme.
Miingon si Philippine Army spokesperson Col. Louie Dema-ala nga kanunay andam ang ilang hanay sa paghatag sa dugang seguridad kon gikihanglan sa mga kandidato aron dili sila mahilabtan sa mga pagpangampanya niini.
Nagpasidaan usab si Dema-ala sa mga kandidato nga dili mangahas paghatag sa bisan unsa nga pabor sa mga rebelde aron kalikayan nga mag-atubang sa kasupakan sa balaod kontra terorismo.
