CAGAYAN DE ORO CITY, Philippines (UPDATE) Mipanaw na sa laing kalibutan ang iladong voice actor sa Amerika nga si Peter Renaday, sa edad 89.
Unang misikat si Renaday human niya gihatagan sa kinabuhi ang cartoon character nga si Master Splinter sa orihinal ug iconic nga animation, ang “Teenage Mutant Ninja Turtles” gikan sa 1980 hangtud 1990.
Subo nga gipamalita sa iyang kabanay nga namatay tungod sa katigulangon ang ilang minahal sa kinabuhi sulod sa iyang puy-anan sa Burbank, California.
Subay sa social media post ni Townsend Coleman, mibati kinig sobra nga kasubo dihang makabaot kaniya ang impormasyon nga namatay na ang iyang kauban sa buhat.
Si Coleman maoy luyo sa boses ni Michaengelo sa nahisgutang cartoon series. Si Renaday natawo sa tuig 1935 sa Louisiana, misangkad sa malampusong karera sulod sa 60 ka tuig o unom ka dekada. T
ipik niin ang iyang pagdawat sa 200 roles sa managlahing TV series ug pelikula.
