Naglaum ang political expert ug propesor nga si Atty Eddie Cuaresma nga aduna pay mas daku nga tawong mutumaw aron mutestigo sa mga dagkung opisyal sa gobyerno nga maoy utok sa lapad nga pagpangurakot sa flood control project sa DPWH. Unang gikondinar ni Cuaresma ang duha ka klase sa balaod sa Pilipinas nga ang usa, paborable sa mga adunahan, samtang ang laing usa, paspas nga makapapriso sa mga nakasala nga kabus. Tungod sa maong klase sa justice system, tataw nga daghang mga tag-as nga opisyal sa nasud ang makagamit sa ilang mga assets aron mapanalipdan ang ilang kasal-anan, taliwala nga aduna nay mga pronouncements gikan sa mga resource person nga nalambigit sa flood control corruption scandal sa ahensya. Gawas niini, gisaway usab sa abogado ang ka-lousy sa dagan sa pagpasakag kaso, lakip na ang ihap sa mga nakasuhan, kung basihan ang mga ebidensya nga nahipos sa DPWH, BoC, ICI, ug sa Ombudsman.
