Nagatuo si Atty. Samson So Tan sa Liceo de Cagayan University College of Law nga ang epektibong solusyon sa sunod‑sunod nga pagpamusil sa mga tunghaan dili mao ang pagpangita og basulon, kondili ang masusi nga pagsabot sa tinuod nga problema.
Sumala sa maong legal expert, kinahanglan nga tukion ug klarohon kon ngano nakahimo og krimen ang usa ka menor de edad imbes nga magpataka ang gobyerno sa paghimo og bag‑ong balaod.
Iyang gipasabot nga imbes magpadaog sa kahadlok ug sobra nga reaksyon, mas angay nga tun‑an ang hinungdan sa insidente aron mas epektibo ang mga lakang ug polisiya.Pinaagi niini, mas malikayan ang pagbalik sa susamang trahedya sa mga eskwelahan sa umaabot.
