Gipalapdan ni Presidente Ferdinand Marcos Jr ang maternity benefits nga gihatag sa PhilHealth sugod karong adlawa, Abril 30 aron mapagaan ang gasto sa mga umaabot nga manganakay.
Ang coverage sa normal nga pag-panganak sa ospital mosaka ngadto sa P29,000 gikan sa P9,750, samtang ang cesarean section gikan sa P37,000 ngadto sa P58,000 hangtod P62,000.
Matod sa Presidente nga sa daghang kaso, diin kung sa ward manganak bisan sa pribadong ospital, posible nga wala nay bayranan sa pagpagawas.
Nadugangan usab ang prenatal care gikan sa upat ngadto sa walo ka checkup nga naglakip na sa bakuna ug laboratoryo.
