Nagtala og “highly satisfied” nga marka ang Police Regional Office 10 gikan sa katawhan human gipagawas sa Malacañang ang resulta sa survey sa USTP alang sa unang bahin sa tuig 2026.
Sumala ni Presidential Communications Office Spokesperson Atty. Claire Castro, dakong kauswagan sa seguridad ang natagamtaman sa rehiyon partikular na sa dakbayan sa Cagayan de Oro tungod sa padayong pag-ubos sa insidente sa krimen.
Aron mas mapalig-on pa ang seguridad, mas gipatingkad sa kapulisan sa panguna ni Regional Director Police Brigadier General Nestor Babagay Jr. ang ilang police visibility sa kagabhion ug kadlawon.
Apan bisan pa man sa maayong resulta, nagpahinumdom ang Malacañang nga ang kalinaw dili lamang responsibilidad sa kapulisan kon dili bunga sa pagpakabana ug pagtinabangay sa tibuok katilingban.
