CAGAYAN DE ORO CITY-Mapiangan karon ang kalihukan sa teroristang Maute sa pagkasikop sa ilang amahan ug igsoong babaye nga nasitar sa kapolisan ug militar sa checkpoint sa Brgy Sirawan,Toril,Davao City kagahapong adlawa.
Kini human may kasong rebelyon nga giatubang si Cayamora Maute tungod sa pag-atake sa mga anak niini nga si Abdullah ug Omar sa Marawi City,Lanao del Sur.
Matud ni Davao City Police Office Director Sr/Supt Alexander Tagum nga sakay sa kolor itom nga sakyanan si Maute kuyog ang iyang anak babaye ug ika-tulo nga asawa.
Samtang nabawi gikan sa grupong Maute ug Abu Sayyaf Group ang video diin gipanguluhan ni Isnilon Hapilon ang pagtuki sa ila untang himoon nga pag-atake sa Marawi City sa miaging Mayo 26 ning tuiga.
Matud ni AFP chief of staff Gen Eduardo Ano nga nagmatood lamang kini nga tinguha ni Hapilon nga mohasi sa katawhan aron mahadlok batok kanila.
Ang video ang kabahin gihapon sa pagka-imbargo sa Philippine Marines sa minilyong balor sa salapi ug tseke sulod sa kota sa Marawi City.
