CAGAYAN DE ORO CITY- Gipalapdan pa sa Martial Law Special Action Group o ML-SAG ang ilang pagpangita sa succesor ni Ormita Romato Maute nga si Irene Romato Idris nga nagsilbing financier sa grupong Maute nga nagtago sa syudad.
Kini human naka-eskapo si Idris samtang gisilbi sa ML-SAG ang search warrant sa pagbaton sa kagamitan sa bomba ang boarding house niini sa Aluba, Brgy Macasandig ning syudad.
Gibutyag C/Insp Mardy Hortillosa II,tigpamaba sa Cagayan de Oro City Police Office o COCPO nga maoy nasapon sa ML-SAG ang intelligence liason officers sa Maute nga si Tahera Romato Taher ingon man sila Gazim Mantawazi Abdullah ug Monaliza Solaiman Romato kinsa pag-umangkon usab ni Farhana.
Nabulgar ang plano ni Idris ug Taher tungod sa impormasyon gikan sa nasikop nga si bomb expert Mohammed Maute alyas Abu Jadid sa susamang brgy sa miaging bulan.
Nakuhaan ang grupo ni Taher sa mga kagamitan nga pagmugna sa bomba sama sa M203 grenades; blasting cap; 9 volts battery w/ battery holder; c4 explosive; 8 ka detonating cord; 19 ka 100watts incandescent bulb; jungle knife ug ammonium nitrates.
