CAGAYAN DE ORO CITY-Gikompirmar sa militar nga sakop sa Maute- ISIS terror group, ang ilang napatay sa Barangay
Sawer, Masiu, Lanao del Sur.
Giila sa 49th Infantry Battalion ,Philippine Army, ang namatay nga si Zainal Candidato, ang gitoohang lookout sa nasampit nga grupo.
Gibutyag a ni Major Ronald Suscano, ang Division Public Affairs Officer sa 1st Infantry Division, Philippine Army nga gilaraw unta nilang rondaho ang ilang natumbok nga hideout sa mga terorista sa dihang nakigpinusilay si Candidato kanila.
Tungod sa maong engkwentro, nakasibat ang laing upat ka kauban ni Candidato nga nakita sa mga kasundaluan sulod sa balay nga gibantayan sa suspek.
Nakompiskar sulod sa hideout sa mga terorista ang duha ka pakete sa gitoohang shabu ug mga drug paraphernalias, tulo ka mga M16 rifles,duha ka RPG launchers, duha ka grenade ug streamers nga dunay naka-imprenta nga logo sa ISIS.
