CAGAYAN DE ORO CITY- Gi-alerto karon ang publiko kabahin sa giingong recruitment sa pipila ka nakaikyas nga sakop sa teroristang Maute-ISIS sa Marawi City.
Kini human kumpirmado nga paspas ang pagpang-recruit sa laing Maute-ISIS leader nga si Wayda Marahomsar Benito sa kalungsuran sa Lanao del Sur.
Miingon si Lanao del Sur 2nd District board member Abdulhamid Amerbitor nga gigukod pa nila si Benito aron masapon apan paspas kini nga nakatago.
Kini ang hinungdan nga nagtanyag sila’g dakong balor sa salapi aron mapadali ang pagsikop sa galamay ni Benito.Si Benito ang giingong ka-level sa abilidad sa napatay’ng lider nga si Omar Maute.
