CAGAYAN DE ORO CITY-Ipaubos sa Philippine Coast Guard Northern Mindanao sa inquest proceedings ug kasuhan sa patung-patong nga kaso ang magsoong lalaki ug babaye kuyog ang trato niini sa centralize prosecutors office sulod sa Camp Edilberto Evangelista,Brgy Patag ning syudad karong adlawa.
Kini human han-ay na ang mga dokumento aron ipaubos sa judicial inquiry sila si Ijahid ug Farida Pangumping Romato ug Abdulrahman Serd Dimakutah nga nagbaton sa nagkadaiyang adress dinhi sa Mindanao.
Gibutyag ni PCG District Commander Capt Leo Panopia nga posibleng dili lamang rebellion ang ilang ipasaka apan may dugang pa subay sa mga nakuha niini nga ebedensiya batok sa mga dinakpan.
Hisayrang ang magsoong Romato ug Dimakutah ang hilom nakasibat gikan dinhi sa syudad padulong sa kauluhan apan pagdunggo sa barko sa Iloilo City gilayon usab sila gisikop sa pasangil nga nalambigit sa kalihukang Maute sa Marawi City.
