CAGAYAN DE ORO CITY-Gusto nang mo-surender sa militar ang mga Maute recruits nga anaa karon sa battle zone sa Marawi City.
Kini ang gibutyag ni Joint Task Force Marawi Commander Brig. Gen. Rolando Bautista basi sa intelligence report nga ilang nadawat.
Gibutyag ni Bautista nga nagpakita lamang kini nga nawad-an na’g paglaum ang grupong Maute nga makagawas sa Marawi tungod sa hugot nga opensiba sa militar.
Una nang nanulti si kanhi Marawi City Mayor Omar Solitario nga gusto nang buhian sa mga terorista ang ilang mga bihag bugti sa pagtugot kanila maka-eskapo palayo sa main battle area.
Hisayrang sa kapi’g tulo ka bulan nga engkuwentro sukad Mayo 23,dul-ag 800 ka tawo na ang patay diin daghan niini ang mga terorista.
