CAGAYAN DE ORO CITY – Gisudan na’g hatod sa pipila ka munisipyo ang plastic ballot boxes nga kabahin sa election logistics sa May 12 polls sa Misamis Oriental.
Kini maoy kompirmasyon ni Misamis Oriental Provincial Election Supervisor Atty Carlito Ravelo kabahin sa preparasyon sa umaabot piliay sa Mayo ning tuiga.
Gibutyag ni Ravelo nga ang maong mga kagamitan ang nahimutang sa provincial ug regional warehouses diin diha manukad sa mga pagbiyahe aron mahatod ang kagamitan.
Siya miingon nga gisugdan na usab ang pag-instolar sa internet connections nga importante nga gamit alang sa pag-transmit sa mga boto sa mga botante.
Namahayag si Ravelo nga maoy kamulo nila nga gitrabaho pa ang pag-train sa board of elections inspectors nga anaa sa 3-mil ka magtutudlo.
Apan giklaro niini nga anaa lang sa 2-mil ang gihataga’g prioridad sa training kay aron dili madehado ang pag-abot sa actual sa botasyon.
Gitakdang mahidangat na usab ang official ballots ug mga pinaka-importanteng gamit sa piliay sa pag-abot na sa April ning tuiga.
Hisayrang target tapuson sa Comelec ang BEIs training sa tibuok bulan sa Marso 2025.
