CAGAYAN DE ORO CITY – Gihagit ni kanhi City Mayor Oscar Moreno ang administrasyon ni incumbent City Mayor Rolando ‘Klarex’ Uy nga dili magsilbing ‘anemic’ sa pagpadagan sa dakbayan.
Kini taliwala nga subling nakakuha sa laing pasidungog ang syudad isip overall ranked no.6 sa most highly urbanized city sa tuig 2023 apan ning tuiga lang gilugwa didto sa kauluhan.
Namahayag ang kanhi alyado ni Mayor Klarex nga si Moreno nga unta ibalik sa pagka-disente ang dungog sa Cagayan de Oro kay gihaguan kini sa daghang mga opisyales nga mas una pa kanila sa katungdanan.
Samtang namugos usab si Uy nga dili niya kinaiya nga mangangkon sa kalampusan nga hinaguan sa uban.
Kini ang tubag sa buhatan sa mayor nunot sa gisulti ni Moreno nga dako’g natabang ang data sa iyang siyam ka tuig nga pagdumala aron ilhon ang katakos sa dakbayan sa paglingkod na ni Klarex.
Namahayag ang tigpamaba ni Mayor Klarex nga si Janboy Actub nga kanunay giila sa administrasyon ang kakugi sa matag-empleyado sa city hall ug ang katawhan kaysa usa lang ka tawo ang moangkon sa kadungganan sa dakbayan.
