CAGAYAN DE ORO CITY – Gihimakak ni City Mayor Rolando ‘Klarex’ Uy pinaagi sa iyang manager sa CLENRO nga si Engr Armen Cuenca ang panaghap ni kanhi City Mayor Oscar Moreno nga daw nagyaka na lamang ang administrasyon nga maghitak-balik ang ilegal nga pagmina-mina sa bukirang bahin sa dakbayan.
Kini ang tubag ni Cuenca sa pasangil sa kanhi mayor nga namalik ang illegal mining operators nga miguba sa kinaiyahan hinungdang naglubog pagbalik ang Iponan river kay tataw ang pagpasagad sa city hall.
Miingon si Cuenca nga walay basehan ang gisulti ni Moreno kay pipila ka adlaw pa lang sa katungdanan si Uy,gipangkasab-an na niini ang pipila ka kapitanes nga nakabase sa hinterland barangay ug gibaharan kon malutsan pa sa illegal mining operations.
Dumduman nga gitratar ni Moreno nga dakong iskandalo ang pagpasagad sa mining operations sa syudad.
