CAGAYAN DE ORO CITY – Direktang nangayo’g tabang si City Mayor Klarex Uy ngadto kang DILG Sec Benhur Abalos alang sa mas mapalig-on pa nga kahusay ug kalinaw sa dakbayan.
Kini human gitambungan ni Abalos kuyog ang kadaugan sa Camp Alagar ang seremonya alang sa umaabot katukuran sa standard police station building nga magsilbing bag-ong Divisoria Police Station sa Old Post Office ning syudad.
Miingon si Mayor Klarex nga importante sa katawhan ang pagmintinar sa kahusay ug kalinaw hinungdang nangayo kini’g tabang ilabina sa galastuhan sa katukuran sa maong police station.
Ania sa dakbayan si Abalos nunot sa iyang pagpatawag sa tanang gobernadores ug mayores sa rehiyon aron pangayuon ang suporta alang sa mga programa ni Pres Bongbong Marcos.
Samtang walay pagduha-duha nga gisanong ni Abalos ang gipalanog nga yangu-ngo sa city govt nga matabangan sa mga panginahanglan ilabina sa peace and order sa dakbayan.
Miingon si Abalos nga pangitaan niya’g pondo ang maong katukuran sa bag-ong police station aron mas mapadali ang pagtibawas niini.
Gibutyag sa kalihim nga maayo ang nakab-ot ni Uy nga ipahimutang ang maong police station sa sentor nga bahin sa syudad aron mas dali makit-an sa mga tawo nga manginahanglan sa serbisyo niini.
