CAGAYAN DE ORO CITY – Namiligro nga mag-atubang sa kasong kriminal ang city govt kon padayong pasagdan ang pagdumala sa mga basura sa dakbayan.
Kini human pabiling giakusar ni kanhi City Mayor Oscar Moreno nga nagsilbi nang ‘garbage dump site’ ang engineered sanitary landfill nga gigastuha’g minilyong pondo didto sa Brgy Pagalungan.
Miingon ang kanhi mayor nga dugay nang gidili sa balaod ang garbage dump site rason nga delikado nga magka-kaso’g kriminal ang liderato ni City Mayor Rolando ‘Klarex’ Uy kon pabiling magpasagad sa pag-atiman sa mga basura sa dakbayan.
Una usab niini,gikontra ni CLENRO manager Engr Armen Cuenca ang pasiatab ni Moreno ug gihagit nga dungan sila nga mosusi sa landfill sa Brgy Pagalungan.
Hisayrang si Cuenca ang nagsilbi usab nga usa sa mga hepe sa sa usa sa mga buhatan sa city hall ubos sa Moreno administration.
