CAGAYAN DE ORO CITY – Gitahasan ni City Mayor Rolando ‘Klarex’ Uy si City Police Director Col. Salvador Radam nga ipasulbad sa daling panahon ang duha ka magkalahing kaso sa pagpamusil sa Brgy Iponan ug Brgy Bulua sulod lang sa usa ka adlaw ning syudad.
Maoy gitumbok sa mayor ang kamatayon sa sa negosyante’g luy-a nga si Leonard Calunod Lake,38 anyos nga taga Kiburiao, Quezon, Bukidnon dihang gipusil sa gika-transaksyon niini sa Zone 2,Lower Bulua.
Gawas kang Lake,samaron usab apan pulos na luwas sa laing pagpamusil ang magtiayon nga sila Arnel Intes,28 ug Shenne Baclayo,28 anyos nga taga-Igpit,Opol nga unang gisulaya’g kawat ang gisakyang motorsiklo sa nataranta nga tulisan.
Miingon si COCPO spokesperson Police Lt Col. Evan Viñas nga may gihimo na nga case build up ang ilang buhatan aron kasuhan sa murder ang mipatay kang Lake.
Hisayrang pulos nakasibat ang mga suspek sa magkalahing kremin apan dunay impormasyon nga usa kanila ang boluntaryo nang mitahan sa kapolisan.
