CAGAYAN DE ORO CITY – Gitahasan sa laing higayon ni City Mayor Rolando ‘Klarex’ Uy ang liderato sa Cagayan de Oro City Police Office o COCPO nga ipalig-on ang seguridad batok kriminalidad sa dakbayan.
Kini human gipatawag sa mayor si COCPO City Police Director Col.Salvador Radam kuyog sa iyang ubang senior officials aron hisgutan ang kahimtang sa syudad.
Partikular nga gitahas ni Mayor Klarex kang Radam ang pagsulbad sa naghitak nga ilegal nga droga ug ang illegal gambling activities sa dakbayan.
Dumduman nga pabiling seryoso nga suliran ang kaylap nga ilegal nga droga sa syudad ug bisan ang paghitak sa mga pasugal nga kontra sa regulasyon sa gobierno.
Hisayrang sa maong panagtagbo,gi-anunsyo usab sa mayor nga hatagan niya sa dugang cash allowance ang tanang pulis balor sa 5-mil pesos aron mas ganado pa sa ilang pagtrabaho mamintinar ang kahusay’ng kalinaw sa syudad.
