CAGAYAN DE ORO CITY – Molaylo sa laing higayon si City Mayor Rolando ‘Klarex’ Uy sa pagtambong sa ikaduhang pagdungog sa House Committee on Suffrage and Electoral Reforms sa kamarabaha sa Pebrero 5 ning tuiga.
Kini agi’g pagpadayon sa nasugdang pagdungog sa komitiba sa reklamo ni Cagayan de Oro 1st District Cong. Lordan Suan kabahin sa naghinobrang pagbatonsa bag-ong mga botante sa Barangay Carmen diin gidumala sa iyang kaatbang sa politika nga si Kapitan Kikang Uy.
Sa usa ka interbyu,namahayag ang mayor nga dili gihapon kini makatunga kay may nakauna nang official business niini sa Davao City.
Siya miingon nga ipadala lamang gihapon niya ang iyang abogado aron representahan ang presensiya niini.
Miingon ang mayor nga wala usab daw kini nakadawat sa pormal nga imbitasyon.
Sa unang pagdungog, wala katunga si Klarex tungod sa kasaulugan sa Chinese New Year diin daghang nakalinya nga mga aktibidad sa dakbayan.
Hisayrang sa unang pagdungog, gi-presentar ni Suan ang video clip sa mayor diin naghisgot sa makahuluganong resulta sa piliay sa barangay ug ang pagpa-rehistro sa mga tawo sa umaabot 2025 midterm elections sa Brgy Carmen ning syudad.
