Mihangyo si City Mayor Rolando Klarex Uy sa City Agriculture Office nga dili pasagdan ang mga mag-uuma ug fisherfolk sa syudad, ilabi na karong panahona nga grabe ang kainit sa panahon.
Matod ni Mayor Uy atol sa gipahigayong Kuyog Ta sa Serbisyo sa Baryo sa Barangay Carmen, kinahanglan nga padayon ang paghatag og tabang ug suporta sa sektor sa agrikultura tungod kay apektado sa init nga klima ang ilang panginabuhi.
Iyang gipasiugda nga importante nga matagaan og hustong pagtagad ang mga mag-uuma kay sila ang usa sa nagasuplay sa pagkaon sa syudad.
Busa, gimandoan niya ang City Agriculture Office nga palig-onon ang ilang mga programa alang sa mga mag-uuma sa dakbayan.
Gipasalamatan usab ni Mayor Uy ang maong buhatan nga nagauban sa paghatag serbisyo sa komunidad.
Sumala kaniya, padayon ang syudad sa pagduol sa katawhan aron masabtan ug matubag dayon ang ilang mga panginahanglan.(
