Gipasalig ni Cagayan de Oro City Mayor Rolando “Klarex” Uy nga walay mabiyaan o mapihig nga mga mag-uuma ug mangingisda taliwala sa padayong pag-uswag sa dakbayan.
Sa iyang pahayag atol sa pagbukas sa “Fiesta sa Kaumahan” sa Higalaay Festival, gipahayag sa mayor nga dili niya talikdan ang maong sektor nga naghatag og pagkaon sa mga tawo.
Dugang pa sa amahan sa dakbayan, dili magmalampuson ang siyudad kon adunay mapihig samtang nagasaka ang kalamboan niini.
Tungod niini, nagpaabot usab sa iyang dako nga pasalamat ang opisyal sa maong mga sektor sa ilang padayong pagsuporta sa lokal ug nasudnong kagamhanan.
