CAGAYAN DE ORO CITY-Hugot ang direktiba ni City Mayor Oscar Moreno sa mga pulis nga ipatuman ang hugot nga seguridad sa syudad.
Kini pinaagi sa pagpatuman sa hugot nga checkpoint ug police visibility.
Giangkon ni Moreno nga mibati siya’g kahadlok sa sunod-sunod nga pagpatay sa mga mayor sa tibook nasud.
Apan gitin-aw niini nga dili lamang sa iyang kaugalingong interes ang pagpatuman sa hugot nga checkpoint sa lungsod kundi alang usab sa kaluwasan sa mga residente.
Samtang naglaum si Moreno nga dako’g ikatabang sa pagpabantay sa seguridad sa syudad ang katukuran sa Barangay Tanod Development Committee.
Siya miingon nga dako’g ikatabang ang mga barangay tanod sa pagbantay sa seguridad sa ilang area of responsibility.
Asoy pa niini nga andam siya nga modawat sa mga pagsaway alang sa katukuran sa maong komitiba ilabina nga magpili’g utro nga tanod ang matag-brgy ug mahimo na nga makaapil ang mga babaye kon makapasar sa kuwalipikasyon.
Nangayo’g usab sa pasaylo si Moreno sa nasinatiang pagkabukog sa dagan sa trapiko sa syudad.
Kini tungod sa gipatuman nga hugot nga checkpoint sa tibook dakbayan.
Nanawagan si Moreno sa publiko nga gikinahanglan niya ang pagsabot sa mga motorista sa pagsamot sa problema sa trapiko sa syudad.
Asoy pa niini nga bisan siya ang nahasulan niini apan mao lamang kini ang bugtong sulbad aron dili makasulod sa syudad ang mga dautang elemento.
