CAGAYAN DE ORO CITY-Masaligon si City Mayor Oscar Moreno sa kapas sa kapulisan ug kasundaluhan nga mapahugtan ang seguridad sa dakbayan alayon na sa kasaulugan sa kapistahan ni Sr San Agustin sa Agosto 28 ning tuiga.
Si Moreno miingon nga kinahanglang ‘intensified security’ ang ipatuman sa kapolisan sa pagbantay sa kahusay ug kalinaw ilabina nga dagsaon sa mga turista ang syudad tungod sa mga nakalinya nga aktibidadis.
Siya miingon nga dili angayang mapakyas ang mga pulis sa ilang tahas aron dili madaut ang dungog sa dakbayan.
Gihangyo usab ni Moreno ang publiko nga motabang sa mga pulis ug sundalo sa pagbantay sa seguridad sa dakbayan.
Siya miingon nga kinahanglang magbinantayon ang publiko ug dili magpasagad aron dili mabiktima sa mga kriminal.
Asoy niini nga gikinahanglan sa mga otoridad ang suporta ug koordinasyon gikan sa publiko aron maseguro nga dili masabotahe sa mga terorista ang syudad.
