CAGAYAN DE ORO CITY-Naglikay una mahatag komento si City Mayor Oscar Moreno sa pagkasikop sa duha sa mga daghang suspek sa kamatayon ni USTP President Dr Ricardo Rotoras ning syudad.
Kini human unang nasikop pinaagi sa warrant of arrest ang suspected hired killers nga sila si Johnreal Gamanay ug Alejandro Ceniza samtang nagtagu-tago sa kauluhan.
Miingon si Moreno nga agdon niini ang PNP ug NBI nga natahasan sa pagsulbad sa kamatayon ni Rotoras.
Una niini, gitumbok sa testigo nga si Gamanay ang usa sa mga mipusil-patay kang Rotoras hinungdan nga laing kasong murder nga giduso sa piskalya ning syudad sa miaging semana.
Samtang gitakdang magtigom ang naglangkob sa Special Investigation Task Group o SITG aron tukion ang bag-ong kalambuan sa kaso sa kamatayon ni Rotoras.
Kini human kasuhi sa mga otoridad ang usa sa mga suspected hired killer nga giingong mipusil patay kang Rotoras gawas sa iyang pinuy-anan ning syudad sa miaging Disyembre 2017.
Gibutyag ni SITG-Rotoras spokesperson C/Insp Mardi Hortillosa nga gusto nila makuha ang detalye sa case development sa kaso ni Rotoras.
Una niini, mitanyag si City Mayor Oscar Moreno ug grupong Mason sa dos milyon pesos nga reward money alang sa mga tawo makatudlo sa mga suspek.
