CAGAYAN DE ORO CITY – Giawhag ni Regional Peace and Order Council chairman City Mayor Oscar Moreno ang katawhan nga dili magpasagad sa seguridad partikular sa syudad.
Kini human subli nabutang sa dakong hadla ang kahusay ug kalinaw sa Mindanao tungod sa sunod-sunod nga terroristic bombings ilabina sa Sultan Kudarat sa miaging semana.
Miingon si Moreno nga dili mahimo nga kapolisan ug militar lamang ang dunay himoon nga paningkamot apan angay mokuyog usab ang katawhan niini.
Gihimo ni Moreno ang pahayag dungan sa pag-abli sa City Police Director Baskeball Cup sa Cagayan de Oro City Police Office, kagahapon.
