Nagpahayag sa iyang dakong kalipay si Tagoloan Municipal Mayor Atty. Nadya Emano human gipagawas sa Department of Public Works and Highways (DPWH) ang ilang pasalig nga matapos na ang proyekto sunod tuig.
Sumala sa mayor, usa sa iyang gidugang nga gihangyo mao ang pagpadali sa trabaho aron, kon mahimo, dili na maabtan sa Hunyo 2027 ang pagkahuman sa maong Tulay.
Dugang pa ni Emano, dako kaayo og tabang ang maong proyekto tungod kay ang lungsod nagsilbing agianan sa mga sakyanan gikan sa Cagayan de Oro padulong sa Butuan, Iligan, ug Zamboanga.
Tungod niini, gilauman sa mayor nga makaginhawa na gikan sa grabeng kahuot sa trapiko ang mga lumulupyo ug ang mga drayber nga naggikan sa nagkalainlaing dapit sa Mindanao.-
