CAGAYAN DE ORO CITY-Gikakurat ug gikasubo ni Oroquieta City Mayor Jayson Almonte ang pag-apil sa iyang pangalan sa 46 ka politiko nga anaa sa bag-ong narcolist ni Pres Rodrigo Duterte sa Davao City.
Gihimakak ni Almonte ang impormasyon nga nakaabot kang Duterte diin kini nagpalusot sa ilegal nga droga sa Misamis Occidental.
Hinoon, giangkon usab sa mayor nga higala niya ang pamilya sa mga Parojinog sa Ozamiz City.
Bisan niini, ipadayon ni Almonte ang iyang kandidatura pagka-kongresista kay dili tinood ang pasangil nga gibato kaniya.
Gawas kang Almonte,anaa usab sa listahan sila si Sinacaban Mayor Cresenciano Mahilac; Clarin Mayor David Navarro ug Calamba Mayor Ezel Villanueva sa maong lalawigan.
