CAGAYAN DE ORO CITY-Giawhag ni presidential daughter Davao City Mayor Sara Duterte- Carpio ang brgy officials sa syudad ug lalawigan nga dili magmakuli pagpangayo’g tabang ngadto kang Pres Rodrigo Duterte.
Kini kon naglambigit kon unsaon nga mahimong epektibo ang pagtunol sa serbisyo ngadto sa katawhan.
Gihimo ni Duterte- Carpio ang pasalig nunot sa pakighimamat niini sa dul-ag 3-mil ka elected brgy officials nga nag-mass oathtaking sa magkalahing venue sa syudad kagahapong adlawa.
Samtang gidasig ni City Mayor Oscar Moreno ang katawhan ilabina sa Northern Mindanao nga dili lung-an ang paghatag suporta sa mga programa ni Pres Rodrigo Duterte alang sa nasud.
Gihimo ni Moreno ang pahayag isip tubag sa pagpasalamat ni Carpio atubangan sa elected brgy ug SK officials sa mass oathtaking sa syudad kagahapon sa buntag.
Miingon si Moreno nga dako na kaayog’ puruhan nga matuman na ang mga damgo nga alang katawhan sa Mindanao tungod sa mga Duterte.
