CAGAYAN DE ORO CITY – Namugos si detained Pangantucan Mayor Miguel Silva Jr nga pabilin ang iyang pagka-kandidato pagka-gobernador aron banggaon si Bukidnon Gov. Rogelio Roque.
Kini bisan nga nabilanggo si Silva tungod sa kasong lugos nga walay gimando sa korte nga piyansa.
Miingon si Silva nga hangtod nga dili pa kini mahukman sa korte sa pasangil batok kaniya, pabilin ang iyang kaikag pagdagan pagka-gobernador aron bag-uhon ang kahimtang sa Bukidnon.
Si Silva ang usa lamang sa duha ka kandidato pagka-gobernador nga tinguha nga mopukan kang Roque sa eleksyon sa Mayo 12 ning tuiga sa maong lalawigan.
