CAGAYAN DE ORO CITY-Gitawag ni mayoralty candidate Benjamin Contreras nga walay moral ascendancy si City Mayor Oscar Moreno sa isyu sa conflict of interest sa mga empleyado sa gobierno.
Kini human gikuwestiyon ni Contreras ang pagtangtang ni Moreno kang Ralph Abragan sa usa ka komitiba nagsentro sa pagdumala sa mining operations sa syudad.
Gihimo ni Contreras ang pagkuwestiyon atol sa Debate sa Bombo sa Bombo Radyo.
Gani,gilakbitan usab ni Contreras ang isyu sa Sabuga-a,Elot,Egypto, Rivera ug Salazar (SEERS) diin gilangkuban sa lima ka dept heads ni Moreno nga dunay pribadong negosyo nga gisudlan.
Samtang gihimakak ni Moreno nga utok kini pagtangtang sa pipila ka miembro sa komitiba diin nag-regulate sa pagdumala sa mining operation sa syudad.
Miingon si Moreno nga walay basehan ang pasangil ni Benjamin Contreras nga siya ang utok sa pagtangtang kang Abragan apan hinukman sa komitiba.
Dugang ni Moreno nga dili binuhatan niini ang manangtang sa bisan kinsa sukwahi sa pasangil ni Contreras diin sila nagtagbo sa miaging debate sa Bombo sa Bombo Radyo sa miaging semana.
