CAGAYAN DE ORO CITY – Natural death ang gidangatan sa manifestation ni City Councilor Imee Moreno diin nagtinguha pugngan ang pagpasar sa balaodnon alang tinuig nga city budget balor P8.8 billion.
Miingon si City Council Majority Leader Kag. Edgar Cabanlas nga napakyas ang panig sa minoriya sa pagsunod sa proseso hinungdan nga mas hataga’g prioridad ang resolusyon nga natinguha ipasar sa konseho ang annual city budget.
Tungod niini,gilayong gi-aprobahan pinaagi ni Kag. Romeo Calizo nga nag-preside sa maong sesyon ang kagustuhan sa mayoriya sa gipangayong pondo sa administrasyon alang sunod tuig.
Una nang aprobado ang maong pondo nga gipangayo ni City Mayor Rolando’ Klarex’ Uy nga gituki sa executive budget hearing sa committee of the whole’ nga gipanguluhan ni City Vice Mayor Jocelyn ‘Bebot’ Rodriguez sa miaging semana.
Hisayrang miangal ang panig sa minoriya sa budget discussion kay gilimitahan sa mayoriya ang oras nga masusi’g maayo ang unod sa maong pondo ug gipalabang sa konseho ang resolusyon kagahapong adlawa.
