Gipahibalo sa House of Representatives nga gitinguha nila nga mapasar ang Anti-Political Dynasty Bill sulod sa 20th Congress.
Gipangulohan ni Lanao del Sur 1st District Representative Zia Alonto Adiong, chairman sa House Committee on Suffrage and Electoral Reforms, ang natigayon nga ika-tulo ug katapusang public consultation sa Mindanao kabahin sa 24-ka panukiduking balaodnon batok sa political dynasty.
Matod ni Adiong nga ang balaod dili gitumong batok sa partikular nga pamilya politikal, apan usa ka mandato sa 1987 Philippine Constitution nga kinahanglan buhaton sa Kongreso.
Dugang pa niya, ang partisipasyon sa katawhan sa konsultasyon mao’y giya sa komite aron masiguro nga patas ug lig-on ang balaod nga ipasa batok sa political dynasty. (Phillip Ariata)
